വിഭാഗം: കലാ സാംസ്കാരികം

Email

T.N.Adithya Varma

വിജയിക്കുന്നതിനുള്ളൊരു മാർഗ്ഗം
പലതിനൊടും ഞാൻ ചോദിച്ചു
ഭിത്തിയിലുള്ള കലണ്ടറു ചൊല്ലീ
നിത്യം കൃത്യം ചെയ്തീടൂ
ഭഗവാനഗ്നി പറഞ്ഞൂ വെട്ടം
പകരൂ ആകുന്നതുപോലെ
ചുററിക ചൊല്ലീ തെറ്റുകൾ തന്നുടെ
നെറ്റിയിലാണി യടിച്ചേക്കൂ
കത്രിക യോതീ യാരംഭത്തിൻ
നാടയെ യൊന്നു മുറിച്ചേക്കൂ
അരിവാൾ ചൊല്ലീ വിജയം നേടാൻ
അറിവിൻ കതിരുകൾ കൊയ്യേണം
തൂലിക യോതീ ഭാവന തന്നുടെ
പീലികൾ ഒന്നു വിടർത്തീടൂ
സൈക്കിളു ചൊല്ലീ അത്യാർത്തിക്കൊരു
ബ്രേക്കു കടുത്താൽ നന്നായി
വീട്ടിലെ കംപ്യൂട്ടർ ഉര ചെയ്തൂ
ഡേറ്റാ സൈൻസു പഠിച്ചോളൂ
പൂട്ടിയ വാതലു ചൊല്ലീ നിങ്ങളു
മുട്ടാനൊന്നു ശ്രമിച്ചീടൂ
കുക്കർ പറഞ്ഞു മനസ്സിൽ നിറഞ്ഞൊരു
ദുഖം നീക്കി ച്ചിരി തൂകൂ
കട്ടിലു ചൊല്ലീ താങ്ങായ് മാറാ
നൊട്ടും മടി നീ കാട്ടല്ലേ
മഞ്ഞിൻ കട്ട പറഞ്ഞൂ നിന്നുടെ
നെഞ്ഞിനു വേണ്ട തണുപ്പേകൂ
ബട്ടണുരച്ചൂ എന്തും ചെയ്യാൻ
തട്ടോ തള്ളോ ചെയ്തോളൂ
ചൊല്ലിയതെല്ലാം ശരിയാണായതി
ലില്ലാ മറ്റൊരഭിപ്രായം
തെല്ലും താമസിയാതേ ഞാനിവ
യെല്ലാം ചെയ്യാൻ നോക്കീടാം
എല്ലാവർക്കും നന്ദി നിങ്ങളൊ
ടെല്ലാമെന്റെ കടപ്പാട്.

Email

T.N Adithya Varma

കൈ നനയാതെ മീൻ പിടിക്കണം
ജോലി ചെയ്യാതെ യുണ്ണണം
പത്തു പോലും ജയിച്ചിടാതെ യാ
ഡിഗ്രി കൈവശ മാക്കണം
ആയുരാരോഗ്യ ശിക്ഷ നേടാതെ
ഡോക്ടറായി വിലസണം
രോഗമില്ലാത്തവർക്കു മുറ്റിയ
രോഗമുണ്ടെന്നു ചൊല്ലണം
പറ്റുമെങ്കിലവരുടെ വൃക്ക
വിറ്റു സമ്പാദ്യം കൂട്ടണം
ചിട്ടിക്കമ്പനി യെന്ന പേരിലാ
യൊട്ടുപേരെ മുടിക്കണം
സൈബറിൽകൂടി യെത്രയെത്രയോ
വൃത്തികേടുകൾ കാട്ടണം
ഭൂമികയ്യേറി യാപ്പുറമ്പോക്കു
ഭൂമി കൈവശ മാക്കണം
വീട്ടിലുള്ളോ രഴുക്കു വാരിയാ
റോട്ടിലേയ്ക്ക ങ്ങെറിയണം
ഇത്തരം ചിന്തയുള്ള യാളുക
ളൊട്ടു പേരുണ്ടു നമ്മളിൽ
എന്ന കാര്യം മനസ്സിലാക്കി നാം
നമ്മളെത്തന്നെ മാറ്റണം
അന്യ ജീവനു നന്മ ചെയ്തു നാം
ധന്യമാക്കണം ജീവിതം

– by Vednarayan J. Varma

Lost into oblivion, I cease to wonder.
How a fool I’ve become to have a wayward dream.
I scold myself of the time I lost,
only to wander off into my fantasy.

I stray into the abyss of my dream.
To relish who I’ve become,
A prince worshipped for his charm,
A warrior – young and mighty, almost feeling omnipotent.

With time, only to realize
I’m a fugitive of my fantasy.
Unable to control the state of my mind.
The power I thought I once held,
only to be an illusion.
Lost into oblivion, I cease to wonder.
How a fool I’ve become to have a wayward dream.

Email

T.N Adithya Varma

കടപയാദി യെന്നുള്ളതെന്തതെ-
ന്നറിയുമോ പ്രിയപ്പെട്ട കൂട്ടരേ
അക്കമങ്ങനെ അക്ഷരങ്ങളായ്
അർത്ഥപൂർണമായ് മാറി വന്നിടും
വിദ്യയാണിത് ഓർമ്മശക്തിതൻ
വർദ്ധനയ്ക്കിത ങ്ങുത്തമം ദൃഢം
വ്യഞ്ജനങ്ങളേ അക്കമാക്കിടും
വലതു നിന്നിടത്തോട്ടു വായിക്കും
വലിയ സംഖ്യയേ വാക്കിലാക്കി നാം
വളരെ വേഗമങ്ങോർത്തു വച്ചിടും
ഇതുവിധം വരും വാക്കതു പരൽ-
പ്പേര തെന്നതാ ണെന്നറിഞ്ഞിതോ
പ്രമുഖരായൊരു കവികൾ തന്നുടെ
കൃതികൾ തീർത്ത തീയതിയെയറിയുവാൻ
കഴിയുമീവിധം കടപയാദിയായ്
കൃതിയിലായ് കുറിപ്പെഴുതി വയ്ക്കുകിൽ
കൃഷ്ണനാട്ടം നാരായണീയവും
തീർത്തതെന്നു നാ മോർപ്പതീവിധം
വരരുചി ആര്യഭടനെന്നുള്ളവർ
കടപയാദിയേ കണ്ടറിഞ്ഞവർ
ജ്യോതിശ്ശാസ്ത്രത്തിൽ ജ്യോതിഷത്തിലും
കടപയാദിത ന്നുപയോഗം കാണാം

Email

T.N.Adithya Varma

താഴത്തു നിന്നങ്ങുയർച്ചയിലെത്തുവാൻ
ആശിക്ക മാത്രം മതിയോ സഹോദരാ
കേറുവാനായി പ്പടികളുണ്ടായിരം
ഏറെ പരിശ്രമം വേണം കരേറുവാൻ
തോറ്റുപോമെന്നുള്ള ചിന്ത വെടിഞ്ഞിട്ടു
ധീരനായ് മുന്നോട്ടടി വച്ചു നീങ്ങിടും
മർത്ത്യനെ ക്കാത്തിരിക്കുന്നൂ ജയം എന്ന-
തോർക്കുന്നവന്നതു ലഭ്യമാം നിശ്ചയം
പാലു തരും പശു എന്നു നിനച്ചങ്ങു
മേലനങ്ങാതെ യിരുന്നാൽ ലഭിക്കുമോ
കാശിക്കു പോകണമെന്നു നിനപ്പവൻ
കാലനക്കാതെ യിരുന്നാൽ നടക്കുമോ
മുട്ടാതെ വാതൽ തുറക്കപ്പെടുമെന്ന-
തോർത്തു മനക്കോട്ട കെട്ടി ത്തുടങ്ങൊലാ
എന്തിനു മുൽസാഹ മുൽസാഹ മൊന്നതേ
വേണ്ടൂ വിജയം കരസ്ഥ മാക്കീടുവാൻ
എന്തും തുടങ്ങാൻ പ്രയാസമുണ്ടാം, മടി
യുണ്ടെങ്കിലായതും മാറ്റി യെടുക്കണം
റോക്കറ്റയക്കുമ്പൊ ളിന്ധനത്തിൻ ചെല-
വാദ്യ മണിക്കൂറിലേറ്റം വരും ദൃഢം
ഓർക്കണ മിന്നവയൊക്കെ നമ്മൾ തയാ-
റാക്കണം പദ്ധതി മുന്നിലായ്കണ്ടു നാം
ലക്ഷ്യത്തിലെത്തും വരെക്കും പ്രയത്നത്തി-
ലൊട്ടും പുറകോട്ടു പോകാതിരിക്കണം
പാടു പെട്ടങ്ങനെ ലക്ഷ്യത്തിലെത്തുമ്പൊ-
ഴാണു നമുക്കു സന്തോഷം ലഭിക്കുക

Email

            സമ്മാനം

By Adithya Varma T.N

നേരം പത്തു മണി കഴിഞ്ഞൂ രാത്രി-
പാതിയോളമായപ്പൊഴാണങ്ങൊരാൾ
വാതലിൽമുട്ടി വിശ്രമിച്ചീടുവാ-
നായിവേണ്ട സഹായ മഭ്യർത്ഥിച്ചാൻ
കാവി മുണ്ടു ധരിച്ചു വയസ്സനാ-
മാഗതനെ നിരീക്ഷിച്ചു സമ്മതം
പാതി നൽകീ ഗൃഹേശനപ്പോളൊരു
ദീപവും കൂടി വേണമെന്നാഗതൻ
പായയും പിന്നെ കത്തിച്ച റാന്തലും
വീടിനു പുറത്തുള്ള വരാന്തയിൽ
വച്ചു ചൊല്ലിനാനിന്നവിടുന്നിനി
വിശ്രമിക്കുക, നിദ്രകൊണ്ടീടുക
ആഗതൻ തന്റെ ഭാണ്ഡത്തിൽ നിന്നൊരു
ഗ്രന്ഥമൊന്നെടുത്തങ്ങു പകുത്തുടൻ
വായന തുടങ്ങീ, മധുര സ്വരം
രാവിലാ ഗൃഹം തന്നിൽ രുഴങ്ങിനാൻ
രാമനാം രഘുനാഥനെ ക്കീർത്തിക്കും
കേൾവികേട്ട രാമായണം വായിക്കെ
വീട്ടിലുള്ളവരെല്ലാം പുറത്തു വ-
ന്നേറെ ഭക്തിയിൽ കൂപ്പി നിന്നീടിനാർ
ചുറ്റുമുള്ളൊരു വീട്ടുകാരൊക്കെയും
കേൾക്കുവാനായി വന്നു നിരന്നിതു
വായന ബാലകാണ്ഡത്തിലൂടെ സീ-
താ സ്വയംവരം തന്നിലെത്തീടിനാൻ
വില്ലെടുത്തു കുലയ്ക്കുവാൻ പററുമോ-
എന്നു രാമനോടൂള്ളൊരു ചോദ്യവും
ശ്രീപരമേശ്വരന്റെ ചാപത്തിനെ
യാദരിച്ചു നമസ്ക്കരിക്കുന്നതും
വില്ലെടുത്തു കുലയ്ക്കാൻ ശ്രമിക്കവേ
വില്ലൊടിഞ്ഞതും ജാനകി തന്നുടെ
കണ്ണിലാനന്ദമാറാടി നിന്നതും
കണ്ണിനാൽ സീത മാലയിടുന്നതും
വർണിക്കുന്നൊരു സീതാസ്വയംവരം
കർണത്തിൽ രാഗതാളങ്ങൾ തീർക്കവേ
തിങ്ങി നിൽക്കുന്ന ശ്രോതാക്കൾ തന്നുടെ
കണ്ണിലാനന്ദ ബാഷ്പം നിറഞ്ഞുപോയ്
വീട്ടുകാരുടെ യുള്ളിലാ യൊട്ടൊരു
കുറ്റബോധം നിറഞ്ഞുപോയ് തൽക്ഷണം
എന്തൊരു കഷ്ടമീ മഹാഭാഗനെ
വേണ്ട മട്ടിലുപചരിച്ചില്ലല്ലോ
എന്നുചിന്തിച്ചു പാരം വിഷമിച്ചു
നിന്നുപോയ് കുടുംബാംഗങ്ങളേവരും
മന്ദഹാസം ചൊരിഞ്ഞുകൊണ്ടാഗതൻ
മന്ദ മന്ദ മവരോടു ചൊല്ലിനാൻ
രാമനെ സ്മരിക്കാനും സ്തുതിക്കാനും
ആയീയിന്നെന്ന തീശ്വര നിശ്ചയം
ശ്രീരാമന്റെ കഥയല്ലയോ അത-
ങ്ങാരിലും ഭക്തി സംജാതമാക്കിടും
ഏവനും സമാധാനം കൊടുത്തിടും
നേർവഴി കാട്ടി നമ്മെ നയിച്ചിടും
അക്കഥ തന്റെ പാരായണം കേട്ടി-
ട്ടത്ര നിങ്ങളിന്നാസ്വദിച്ചെങ്കിലോ
നിങ്ങൾ തന്നൊരു സമ്മാനമായി ഞാ-
നെണ്ണിടാം ഭഗവാനെ സ്തുതിച്ചിടാം.