വിഭാഗം: കേന്ദ്രം

ഗവണ്മെന്റ് പ്രസിദ്ധീകരിച്ച ഗസറ്റ് പ്രകാരമുള്ള ലിസ്റ്റിലെ മുന്നോക്ക വിഭാഗക്കാരിൽ പ്രതിവർഷം എട്ടുലക്ഷം (Rs 8 lakhs) രൂപയിൽ താഴെ വരുമാനമുള്ളവർക്കാണിതു പ്രകാരമുള്ള ആനുകൂല്യങ്ങൾക്ക് അർഹതയുള്ളത്.( കേരള സംസ്ഥാന സർക്കാർ ഇത് 4 ലക്ഷമായിട്ടാണ് നിജപ്പെടുത്തിയിട്ടുള്ളത് ) ഉന്നത വിദ്യാഭ്യാസങ്ങൾക്കുള്ള അപേക്ഷാ ഫോറങ്ങളിൽ ഇതിന്റെ കോളം വന്നു കഴിഞ്ഞു. അർഹതയുള്ള നമ്മുടെ സമുദായാംഗങ്ങൾ അവരുടെ കുടുംബങ്ങളിലെ കുട്ടികൾ ഇത്തരത്തിലുള്ള അപേക്ഷകൾ അയയ്ക്കുമ്പോൾ നിർബന്ധമായും ഇത് കൂടി ചേർക്കേണ്ടതാണ്. അപേക്ഷയോടൊപ്പം വില്ലേജാഫീസിൽ നിന്നും ലഭിക്കുന്ന വാർഷികവരുമാ സർട്ടിഫിക്കറ്റോ അഥവാ ഇൻകം ടാക്സ് റിട്ടേണിന്റെ കോപ്പിയോ ചേർത്ത് വെയ്ക്കേണ്ടതാണ്. ഈ റിസർവേഷൻ ആനുകൂല്യം നമ്മുടെ അംഗങ്ങൾ പരമാവധി നേടിയെടുക്കേണ്ടതാണ്. വിവിധ യൂണിറ്റിന്റെ ഭാരവാഹികൾ ഇതിനു വേണ്ട സഹായ സഹകരണങ്ങൾ അംഗങ്ങൾക്ക് നൽകി. ക്കൊടുക്കുവാനിയി പ്രത്യേകം നിർദ്ദേശിക്കുന്നു.

ഗസറ്റിന്റെ കോപ്പി താഴെ ചേർക്കുന്നു.

മധുകുമാർ വർമ
ജനറൽ സെക്രട്ടറി
ക്ഷത്രീയ ക്ഷേമ സഭ.

Unreserved-communities-in-Kerala-forward-cast-list

ക്ഷത്രീയ ക്ഷേമ സഭ . സംസ്ഥാന വാർഷിക പൊതുയോഗ റിപ്പോർട്ട്.
തിയതി : 23/01/2022
ഗൂഗിൾ മീറ്റ്

രാവിലെ കൃത്യം 10 മണിയ്ക്ക് സഭയുടെ പ്രസിഡന്റ് ശ്രീ പി കെ രഘുവർമയുടെ അദ്ധ്യക്ഷതയിൽ ശ്രീ സൂര്യകുമാർ വർമയുടെ ഈശ്വര പ്രാർത്ഥനയോടെ യോഗം ആരംഭിച്ചു. സഭയുടെ ജനറൽ സെക്രട്ടറി ശ്രീ ആത്മജവർമ തമ്പുരാൻ യോഗത്തിൽ പങ്കെടുക്കുന്നവർക്ക് സ്വാഗതമേകി. അതിനു ശേഷം ഈ കാലയളവിൽ നമ്മെ വിട്ടു പിരിഞ്ഞു പോയ സഭാംഗങ്ങൾക്കുള്ള അനുശോചനം രേഖപ്പെടുത്തി. ഒരു നിമിഷം മൗനമാചരിക്കുകയും ചെയ്തു. അദ്ധ്യക്ഷൻ ശ്രീ രഘുവർമ ഹൃസ്വവും അർത്ഥവത്തായതുമായ ഒരു ഉപക്രമപ്രസംഗം നടത്തി. പിന്നീട്, ജനറൽ സെക്രട്ടറി വാർഷിക റിപ്പോർട്ട് അവതരിപ്പിച്ചു. റിപ്പോർട്ട് അടിസ്ഥാനമാക്കിയുള്ള ചർച്ചയിൽ അംഗങ്ങൾ സജീവമായി പങ്കെടുത്തു. വളരെ അർത്ഥവത്തായ ചർച്ച നടക്കുകയുണ്ടായി. ചർച്ചക്കുള്ള മറുപടി ജനറൽ സെക്രട്ടറി നൽകി. റിപ്പോർട്ടിൽ വിട്ടു പോയ ചില പ്രവൃത്തികളെ ക്കൂടി ഉൾപ്പെടുത്തണമെന്ന ആവശ്യം അംഗീകരിക്കുകയും അത് ചേർത്തുള്ള റിപ്പോർട്ട് പാസാക്കുകയും ചെയ്തു.

അതിനു ശേഷം ട്രഷറർ ശ്രീ മഹേഷ് വർമ വാർഷിക വരവുചിലവ് കണക്കുകൾ അവതരിപ്പിച്ചു. അതിന്മേലുള്ള ചർച്ചയും നടന്നു. സംശയങ്ങൾക്ക് മറുപടി പറയുകയും അതിനു ശേഷം അംഗങ്ങൾ കണക്ക് അംഗീകരിക്കുകയും പാസാക്കുകയും ചെയ്തു.

അതിനു ശേഷം ഭാരവാഹികളുടെ തിരഞ്ഞെടുപ്പ് പ്രക്രിയകൾ റിട്ടേണിംഗ് ഓഫീസർ ശ്രീജയകൂമാർ വർമയുടെ നേതൃത്വത്തിൽ ആംരംഭിച്ചു. വളരെ വിപുലമായ ചർച്ചകൾക്കു ശേഷം താഴെ കൊടുത്തിരിക്കുന്ന ലിസ്റ്റ് പ്രകാരമുള്ള തിരഞ്ഞെടുപ്പു ഫലം പ്രഖ്യാപിച്ചു

പ്രസിഡന്റ് – Dr എം ലളിതാംബിക

ജനറൽ സെക്രട്ടറി – മധുകുമാർ വർമ വി.കെ

ട്രഷറർ – സൂര്യ കുമാർ എം.കെ

വൈസ് പ്രസിഡന്റുമാർ
1 ശ്രീകുമാർ ടി.എം
2 കൃഷ്ണകുമാരി കെ.ആർ
3 മനോജ് വർമ വി.എൻ

ജോയിന്റ് സെക്രട്ടറി. – മോഹനവർമ പി കെ

മേഖലാ സെക്രട്ടറിമാർ
ദക്ഷിണ മേഖല സഞ്ജയ് വർമ പി.കെ
മദ്ധ്യ മേഖല – ശങ്കർ വർമ എൻ
ഉത്തര മേഖല – കൃഷ്ണ വർമ രാജാ
പുതിയ ഭാരവാഹികൾക്കു വേണ്ടി പ്രസിഡന്റും ജനറൽ സെക്രട്ടറിയും അംഗീകാര സമ്മത പ്രസംഗം നടത്തി.
ശ്രീ മധുകുമാർ വർമ്മ നന്ദിപ്രകാശനം നടത്തി. കൃത്യം 1.15 pm ന് മീറ്റിംഗ് അവസാനിച്ചു.

മധുകുമാർ വർമ്മ വി.കെ.