By Yadhu Mekad
പുരാണത്തിലോ ഈ ലോകത്തോ തീവ്രമായ വിരഹം?
🤔🤔🤔🤔🤔🤔🤔🤔🤔🤔🤔
കാന്തനെപ്പിരിഞ്ഞേറെ നാളിലങ്ങിരുന്നോളാ
വൈദേഹിയേറ്റുംദുഃഖം മാത്രമോമഹത്തരം?
കാന്താരമതിങ്കലായൊറ്റവസ്ത്രത്തെക്കീറി,
മറഞ്ഞാപ്പതിയെക്കാത്തിരിക്കുംഭൈമിക്കെന്താം
വിരഹം വിരൽപ്പൊട്ടുകുത്തിടും കാവ്യങ്ങളിൽ
വരയുംചിത്രം രാധക്കേകിയോ സിംഹാസനം !
ഇതിലേതിലുംചേരും ശുഭമാമന്ത്യങ്ങളിൽ
ക്കുരുങ്ങാനാവില്ലിങ്ങായിരിപ്പൂ സത്യംമാറി.
ചോരയുംനീരുംതിങ്ങുമാവേശക്കുതിരയായ്
തിമിർത്താടിടാൻതീർത്തദേഹമേ നിനക്കായി
വിധിവക്കുന്നൂ ഹിമംമുറ്റിടുംസിയാച്ചിനി –
ലിന്ത്യയെക്കാത്തീടുവാനൊത്തിടും പടയാളി
നിനക്കായൊരുക്കിയപട്ടുമെത്തയിൽക്കാണും
കാരമുൾതടഞ്ഞിട്ടങ്ങുറങ്ങാതാകും പാതി.
താലിയിൽപ്പിടിച്ചേറെമന്ത്രമാംമൃത്യുഞ്ജയം
ജപിക്കുന്നുണ്ടാസാധ്വി നിത്യവും മഹത്ത്വമായ്
ശുഭപര്യന്തംകൊതിച്ചുള്ളതാം ‘വിരഹപ്പൂ’
ചിലപ്പോൾ ത്രിവർണ്ണത്തിൻ പുതപ്പിൽ പൊതിഞ്ഞെത്താം.
🍃🍃 – യദു മേക്കാട്
ഗംഭീരം