By Adithya Varma
കണ്ണിലിരിപ്പൂ കാരുണ്യം നി-
ന്നംഗത്തിങ്കൽ താരുണ്യം
ചുണ്ടിലിരിപ്പൂ മൃദുഹാസം അതി
സുന്ദരമല്ലോ നിൻവേഷം.
ചികുരം തന്നിൽ ശിഖിപീലി അതി-
ലിഴുകിച്ചേരും പടിയായി.
പല പല വർണ്ണം കളിയാടീ അതു
മഴവില്ലതു പോൽ വിളയാടീ.
ഓടക്കുഴലീന്നൊരു രാഗം വ-
ന്നേറി മനസ്സിൽ ചാഞ്ചാടീ
ഫാലം തന്നിലിരിക്കും ചന്ദന-
മേറെക്കണ്ണിനു കുളിരേകീ
മഞ്ഞപ്പട്ടിൻ മാധുര്യം അര-
തന്നിൽ ചേർന്നും കാണായി.
ഉള്ളിലൊരുലകം കാണിച്ചോന-
ങ്ങുള്ളത്തിങ്കൽ കളിയാടീ…