എനിക്കു വേണം
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
ഓമനിച്ചീടുവാനൂതിപ്പെരുപ്പിക്കാ-
നോർമ്മകളൊത്തിരിക്കൂട്ടുവേണം.
ഓരോന്നിറക്കിവച്ചൊന്നാശ്വസിക്കുവാ-
നത്താണിയൊന്നെനിക്കൊത്തിടേണം.
ഓടിയൊളിക്കുവാനൊന്നു വിതുമ്പുവാൻ
ഒക്കുന്നഗഹ്വരമൊന്നു വേണം.
ഒപ്പം നടന്ന മുഖങ്ങളിൽത്തേച്ചൊരാ
ച്ചായമറിയുവാൻ കണ്ണുവേണം.
ഒക്കത്തിരിപ്പതുപോകാതെയുത്തര-
പ്പൊത്തുപരതുവാനൊത്തിടേണം.
ഓരോദശകളിലോരോന്നടുക്കവേ
നേരിടാനൊക്കും മനസ്സുവേണം.
ഓമലിൻ കണ്ണുനീരൊന്നുതുടയ്ക്കുവാ
നാകുന്നജന്മമടുത്തു വേണം
ഓരോ കുസൃതിക്കുമൊറ്റയ്ക്കിരുന്നൊന്നു
പൊട്ടിച്ചിരിക്കുവാനായിടേണം.
എന്നെത്തഴഞ്ഞേറെയുറ്റവർ പോകിലു-
മെന്നുമെനിക്കവർ കൂട്ടുവേണം
ഓങ്കാരമെന്നിൽമുഴങ്ങുന്നിടംവരെ
ഓടിക്കളിക്കുവാനായിടേണം.
ഒറ്റനിമിഷത്തിലെന്നുയിർചേർക്കുന്ന
കൈത്തിരിനാളമൊന്നെത്തീടണം
🍃🍃 – യദു മേക്കാട്